Ukraynanın Yanacaq və Energetika Nazirliyi Nazirliyin rəhbəri İvan Plaçkovun Bakıya səfəri ilə bağlı hazırlıq işləri görür. Bu barədə Trend ə Ukraynanın YEN-nin mətbuat xidmətindən məlumat verilib.
Mətbuat xidmətinin nümayəndəsinin sözlərinə görə, hazırda nazirin rəhbərlik edəcəyi nümayəndə heyətinin səfərinin dəqiq tarixi məlum deyil. Bu səfərin mayın ortalarında baş tutacağı ehtimal olunur.
Mətbuat xidmətində Ukrayna nümayəndə heyətinin Bakıya səfərinin gündəliyi və iş qrafiki barədə məlumat verməkdə çətinlik çəkiblər. Qrafikin gələn həftə ilkin variantının hazır olacağı istisna olunmur.
