"Azərenerji" SC Səngəçal qəsəbəsində yeni elektrik stansiyasının tikintisi layihəsinin reallaşdırılması üçün müxtəlif şirkətlərin texniki imkanlarını nəzərdən keçirir. Bu barədə Trend ə SC-in vitse-prezidenti Marlen Əsgərov məlumat verib.
Bu gün Finlandiyanın Wartsila, Amerikanın General Electrics kimi şirkətlərinin və Yaponiya istehsalçılarının məhsulları nəzərdən keçirilir. M.Əsgərov qeyd edib ki, bundan sonra variantlardan biri seçiləcək və tikinti barədə qərar qəbul ediləcək.
Hazırda gücü 300 MVt-a qədər olan elektrik stansiyasının tikintisi imkanları nəzərdən keçirilir. Bu, hazırda Azərbaycanın rayonlarında Wartsila tərəfindən quraşdırılan modul stansiyalardan daha böyük gücə malik olan elektrik stansiyası ola bilər.
"Azərenerji" elektrik enerjisinin istahsalı zamanı yanacağın bir növündən asılı olmaq istəmir. Ona görə də həm mazut, həm də qazla işləyən elektrik stansiyalarının tikintisi nəzərdə tutulub.
M.Əsgərovun sözlərinə görə, yeni elektrik stansiyası respublikanın ümumi enerji sistemini təmin edəcək.
