Hazırda Bakı əhalisinə sutkada təxminən 3,600 - 3,700 mln. kub metr qaz tədarük olunur. Bu barədə Trend ə "Azəriqaz" QSC-nin bölməsi olan "Bakqaz"dan məlumat verilib. Bu həcm mayın 1-dən fəaliyyətə başlayan, Bakıda əhaliyə qaz tədarükü üzrə yay qrafikinə uyğundur.
Bununla belə, tədarük olunan yanacaqdan istifadə haqqının ödənilməməsi ilə əlaqədar abunəçilərə qazın verilməsinin dayandırılması prosesi davam etdirilir. Bu tədbirlər nəticəsində istifadə olunan qaza görə əhali tərəfindən ödəmələr artıb.
Yanvarda bu göstərici 14%, fevralda - 19%, martda - 23%, apreldə - 31% təşkil edib. Ancaq yığımların faiz nisbətində artmasına baxmayaraq, pul nisbətində göstərici azalır. Belə ki, qazla təchizatın həcminin azalması (yay qrafiki) tədarük olunan qazın dəyərinin aşağı düşməsi ilə nəticələnir.
