...

Tam ödəniş və rayon başçılarından iltizam alındıqdan sonra rayonlara qazın verilməsi bərpa ediləcək

Energetika Materials 7 Avqust 2006 15:46 (UTC +04:00)

Hazırda Azərbaycanın 30 rayonuna qazın verilməsi dayandırılıb. Onlardan 23-də qazın verilməsi tamamilə, 7-də isə qismən dayandırılıb. Bu barədə Trend ə "Azəriqaz" qapalı səhmdar cəmiyyətindən xəbər veriblər. Hazırda Qobustan, Samux, Yevlax, Əlibayramlı, Neftçala və respublikanın digər rayonlarına qazın verilməsi tamamilə dayandırılıb.

QSC nümayəndələrinin sözlərinə görə, abunəçilərə tədarük edilən qaza görə ödənişin yığım faizinin artırılması üçün bu tədbirlər görülür. Bu, Azərbaycan prezidenti İlham Əliyevin ilin birinci yarısında hökümətin işinin yekunları üzrə keçirilmiş iclasda baxılan bəndlərdən biri olub.

"Azəriqaz" nümayəndələrinin sözlərinə görə, hazırda vəsait yığımının orta faizi təxminən 30%-dir. QSC nümayəndələrinin sözlərinə görə, qazın verilməsinin bərpa edilməsi üçün əsas şərt ya iyul ayında tədarük edilmiş qaza görə tam ödəniş, yaxud da rayon İcra hakimiyyəti başçılarından müəyyən vaxt ərzində qaza görə borcların qaytarılması haqqında Nazirlər Kabinetinə göndərilmiş məktub-iltizamdır.

Xəbər lenti

Xəbər lenti