Azərbaycan hökümətinin məsləhətçisi Allied İnvestment ölkədə iri neft-kimya kompleksinin tikintisi üzrə texniki -iqtisadi əsaslandırmanın hazırlanması üçün məlumat yığmağa başlayıb.
"Azərbaycan dövlət investisiya şirkəti" SC-nin icraçı direktoru Anar Axundovun Trend ə verdiyi məlumata görə, bu cür mütəxəssislərin təcrübəsini nəzərə alaraq, şirkət tərəfindən hazırlanmış hesabatın Azərbaycan üçün xeyri olacaq.
"Onlar Fars körfəzi ölkələrində neft-kimya komplekslərinin yaradılmasında təcrübəyə malikdirlər. Bundan başqa, Allied İnvestment -ə müxtəlif neft-kimya şirkətlərinin güclü mütəxəssisləri cəlb olunub. Onların Vaşinqton və Dubayda ofisləri var", - deyə A.Axundov qeyd edib.
Onun sözlərinə görə, məsləhətçinin hesabatında tədarük və istehlakçılarla bağlı vəziyyətin təhlili öz əksini tapacaq. A.Axundov Allied İnvestment-in işlərinin nə vaxt bitirəcəyini deməkdə çətinlik çəkdi.
"Bu, həmin bazarda mövcud vəziyyət haqqında hesabat üzərində məsləhətçinin gördüyü işin tamamlanmasından sonra AİŞ -in hazırlamalı olduğu məlumatın həcmindən asılı olacaq. Digər ölkələrin səhvlərini təkrar etməmək üçün bu təhlili aparmaq zəruridir. Məsələn, Cənubi Amerikada infrastrukturun inşası zamanı kommunal məsələlər nəzərə alınmayıb, ona görə də həmin layihə özünü doğrultmayıb", - deyə AİŞ başçısı qeyd edib. Bununla əlaqədar, əvvəlcə gələcək alıcı və potensial investorlarla iş görülməlidir.
Vaxtilə "Azərkimya" DK-nın bazasında neft-kimya kompleksinin yaradılması planlaşdırılırdı. Bu vəziyyətlə bağlı A.Axundov hesab edir ki, "Azərkimya" və investora imkan veriləcək ki, yaradılan kompleksə daxil olub -olmamaq haqqında mövqeyini qiymətləndirsin.
Azərbaycanda kompleksin yaradılması təşəbbüsünu Amerika şirkətləri verib.
Neft-kimya kompleksinin Azərbaycan dövlət investisiya şirkətinin iştirak payının hesabına yaradılma ehtimalı da istisna edilmir.
Kompleksin yaradılmasında investisiyaların həcmi təxminən 500 -600 mln. ABŞ dolları təşkil edir. Amerikalıların yeganə şərti xammalın fasiləsiz tədarükünə Azərbaycan höküməti tərəfindən dövlət zəmanətinin verilməsidir.
