Bakıya "Markab" əcnəbi tədqiqat gəmisi gəlib və artıq gəmidə avadanlıqlar tam hazır vəziyyətə gətirilib. Bu barədə Trend ə Azeri-Fugro Azərbaycan-Niderland birgə müəssisəsindən məlumat verilib. Gəmi Fugro şirkətinə məxsusdur.
Bu gəmidən "Şahdəniz" yatağında tədqiqatlar aparılacaq. "Yaxın vaxtda gəmi işləri həyata keçirməyə başlayacaq", - deyə BM-dən bildirilib.
Şirkətdən bildiriblər ki, işlərin iki ay ərzində görülməsi nəzərdə tutulub. İşlər qruntun mühəndis xüsusiyyətlərinin araşdırılmasına yönəldilib. Cəmi 10 geotexniki quyunun qazılması planlaşdırılır.
Ehtimal olunur ki, naviqasiya bağlandıqdan sonra gəmi qışı Xəzərdə keçirəcək.