...

ARDNŞ Batumidən iki partiya mənfəət nefti satıb

Energetika Materials 17 Oktyabr 2006 11:24 (UTC +04:00)

Azərbaycan Dövlət Neft Şirkəti Gürcüstanın Batumi limanından iki partiya mənfəət neftinin satışı üzrə tenderi bağlı elan edib. ARDNŞ-dən Trend ə verilən məlumata görə, tenderin qalibi İsveçrənin ADDAX BI treyderi olub. Tender "Azəri-Çıraq-Günəşli" yataqlar blokundan hasil edilən Azeri Light növlü 1 mln. 168 min barel neftin satışı üzrə elan edilib. Birinci partiyanın bu il 4-10 noyabrda, ikinci partiyanın isə 10-11 noyabrda Batumidən göndəriləcəyi gözlənilir.

Batumi neft terminalı ildə 15 mln. tonadək neft yükü daşımaq gücünə malikdir. Terminal 4 körpüdə 30-90 min ton tutumlu tankerlərə xidmət edir. Hazırda terminalın rezervuar parkının gücü təxminən 530 min ton təşkil edir ki, bu da dəhlizdən keçən cari və proqnozlaşdırılan həcmlərin daşınması üçün böyük göstəricidir.

Xəbər lenti

Xəbər lenti