2006-cı ilin ilk üç rübü ərzində "Şahdəniz" layihəsi üzrə bu il üçün təsdiqlənmiş 865 milyon dollarlıq əsaslı xərclər büdcəsinin 683 milyon dolları xərclənib. Trend in xəbər verdiyi kimi, bu bardə "BP Azerbaijan" şirkətinin prezidenti Devid Vudvord məlumat verib.
Hal-hazırda "Şahdəniz" işlənməsinin əlavə mərhələlərinin dəstəklənməsi üçün aparılan qiymətləndirmə qazma işləri davam etdilir. İyul ayında SDX-4 quyusunda borular tutulduqdan sonra quyunun əsas gövdəsindən yan lülə uğurla qazılır və məlum olan laylardan aşağıda yerləşən Fasilə dəstinin alt laylarına artıq daxil edilib.
Quyudan əldə olunmuş geoloji məlumatların təhlili yatağın işlənməsinin 2-ci Mərhələsinin planlaşdırılmasında istifadə olunacaq. Bu nəticələr işlənmə məqsədilə gələcək variantların qiymətləndirilməsi üçün qiymətli məlumatlar təmin etməklə, yatağı daha yaxşı başa düşmək üçün nəzərəçarpacaq əlavələr edəcək.
Quyuların bəzi birləşdirilmələri və öncə qazılmış quyuların tamamlanmaları gözlənildiyindən azca daha çox vaxt apardığına görə hal-hazırda ilk qazın yaxınlaşmaqda olan bir neçə həftə ərzində hasil olunacağı gözlənilir və şirkət 2006-cı ilin dördüncü rübündə qaz hasilatını artırmağı planlaşdırır. Alıcıların öz müvafiq qəbuledici boru kəmərləri birləşdirildikdə və istismara verildikdə qaz onlara çatdırılacaq.
