12-15 noyabrda Pekində ağır neft hasilatı və emalı üzrə beynəlxalq konfrans keçiriləcək. Bu haqda Trend -ə Salyan Oil əməliyyat şirkətindən xəbər verilib. Burada Azərbaycanın sənaye və energetika naziri Natiq Əliyev, Dövlət Neft Şirkəti prezidentinin birinci müavini Xoşbəxt Yusifzadə, "Salyan Oil"-un nümayəndələri iştirak edəcək.
Mayda Çinin "CNPC" -nin nümayəndə heyətinin Bakıya səfəri olub ki, bu zaman Sənaye və Energetika Nazirliyində və Dövlət Neft Şirkətində görüş keçirilib və və burada Azərbaycanın neft hasilatı və emalı sahəsindəki mütəxəssisləri ixtisaslaşmış konfransa dəvət edilib.
Ağır neftin hasilatından tutmuş istehsal olunmasına qədər effektiv istifadəsi ilə bağlı məsələlərin müzakirə olunacağı belə konfrans dünyada ilk dəfə keçiriləcək. Konfransda Azərbaycanın ağır neft hasilatı və emalı üzrə mütəxəssislərinin çıxışı gözlənilir. Bütünlükdə, görüşdə dünyanın 500-dən çox şirkəti iştirak edəcək.
CNPC Azərbaycanda quruda yerləşən iki - "Kürsəngi-Qarabağlı" və "Cənub-qərbi Qobustan" müqavilə sahəsində əməliyyatçıdır.
