Qazaxıstandakı "AzeriFugro" Azərbaycan-Niderland birgə müəssisəsinin işləri nəticəsində əldə olunmuş məlumatların laborator tədqiqatları Azərbaycanda həyata keçirilməyəcək. Bu barədə Trend ə şirkətdən məlumat verilib. Qazaxıstan tərəfi öz ölkəsində analoji işin yaradılması haqqında qərar qəbul edib. Orada əldə olunmuş məlumatların interpretasiyası həyata keçiriləcək.
Geotexniki işlər "Agip KCO" şirkətinin sifarişi ilə Xəzər dənizinin Qazaxıstan sektorunda həyata keçirilib. İşlər Atırau şəhəri yaxınlığında dənizdə aparılıb. İşlərin gələn il də davam etdiriləcəyi istisna olunmur.
Şirkət qruntun mühəndis xüsusiyyətlərini, eləcə də süni adadan sahilə boru kəmərinin çəkilməsi üçün geotexnikanı araşdırıblar.
Bu layihə üzrə işlərin bir hissəsi ötən il yerinə yetirilib. Bu məlumatların laborator tədqiqatları Azərbaycanda həyata keçirilib. Geotexniki quyuların qazılması Qazaxıstan tərəfinə məxsus barjadan icra olunub.
