Bu ilin yanvar-oktyabr aylarında Bakı-Supsa boru kəməri ("qərb" marşrutu) üzrə 5,616 mln. ton neft ixrac olunub. Bu həcmdən 1 mln. 154 min 615,1 ton neft Azərbaycan Dövlət Neft Şirkətinin mənfəət neftinin payına düşür. Trend xəbər verir ki, bu barədə ARDNŞ-in marketinq və iqtisadi əməliyyatlar idarəsindən məlumat verilib.
2005-ci il ərzində bu marşrut üzrə ARDNŞ neftinin ixrac həcmi 1 mln. 263 min 242,9 ton və 5 mln. 566 min 665,5 min ton Azərbaycan Beynəlxalq Əməliyyat Şirkətinin payına düşüb. 2004-cü ildə bu göstərici 972 min 653,4 ton ARDNŞ nefti və 5 mln. 436 min 275,1 ton ABƏŞ neftinə bərabərdir.
2006-cı ilin noyabr ayında bu marşrut üzrə neft göndərilməyib, çünki boru kəmərində təmir işləri görülür.
