2006-cı ildə Azərbaycan Dövlət Neft Şirkəti (ARDNŞ) dünya bazarlarına ümumilikdə 3,46 mln. ton neft ixrac edib, 2005-ci ildə isə bu, 3,31 mln. ton olub. Bu barədə Trend ə ARDNŞ-in Marketinq və iqtisadi əməliyyatlar idarəsindən məlumat verilib.
2006-cı ildə ARDNŞ Bakı-Novorossiysk boru kəməri ilə 1,17 mln. ton, 2005-ci ildə isə 1,63 mln. ton neft ixrac edib.
2006-cı ildə Bakı-Supsa boru kəməri ilə ixrac 1,15 mln. ton neft təşkil edib. 2005-ci ildə isə bu, 1,26 mln. ton olub.
Dəmir yolu ilə Gürcüstanın Batumi limanı istiqamətində ARDNŞ-in öz neftinin ixracı 1,13 mln. ton, 2005-ci ildə isə 414,73 min ton təşkil edib.
2004-cü ildə Bakı-Novorossiysk və Bakı-Supsa boru kəmərləri ilə (dəmir yolu ilə nəql 2005-ci ildə başlayıb) ümumilikdə 3,53 mln. ton ARDNŞ-in öz nefti ixrac olunub. Onlardan Bakı-Novorossiysk ilə - 2,56 mln. ton, Bakı-Supsa ilə - 972,65 min ton neft ixrac olunub.