ARDNŞ marketinq və iqtisadi əməliyyatlar idarəsindən Trend ə bildiriblər ki, 2007-ci ilin yanvar ayı ərzində ARDNŞ ümumilikdə 84,31 min ton neft ixrac edib.
Bakı - Novorossiysk marşrutu üzrə ARDNŞ 2007-ci ilin yanvarında 4,15 min ton neft ixrac edib. 2006-cı ilin yanvarında isə qeyri-əlverişli hava şəraiti səbəbindən limanda neft yükləmələri həyata keçirlməyib.
Bakı - Supsa marşrutu üzrə isə 2007-ci il yanvar ayında boru kəmərində təmir işləri aparılması səbəbindən yükləmə aparılmayıb. 2006-cı ilin yanvar ayında isə bu marşrut üzrə 226,25 min ton neft göndərilib.
2007-ci il yanvar ayında dəmir yolu vsitəsilə Gürcüstanın Batumi Qara dəniz limanı istiqamətində 80,16 min ton neft ixrac edilib.
2006-cı ildə ARDNŞ Bakı - Novorossiysk üzrə 1 mln. 172 min ton neft (2005-ci ildə 1 mln. 631 min ton) ixrac edib. Baku - Supsa marşrutu üzrə qərb boru kəməri ilə 1 mln. 155 min ton neft (2005-ci ildə 1 mln. 263 min ton) ixrac edib. Batumi istiqamətində dəmir yolu vasitəsilə 1 mln. 135 min ton neft (2005-ci ildə 4141,728 min ton) ixrac edib.
