2007-ci ilin yanvar ayı ərzində Azərbaycanda 3 mln. 455,3 min tondan artıq xam neft hasil edilib. Trend xəbər verir ki, bu barədə Azərbaycan Dövlət Statistika Komitəsindən bildiriblər. Bu həcm 2006-cı ilin analoji dövrü ilə müqayisədə 62,3% çox olub. Neft və qaz hasilatının əsas həcmi Azərbaycan Beynəlxalq Əməliyyat Şirkətinin payına düşür, şirkət 2,7 mln. ton neft və 251,1 mln. kub metr qaz hasil edib ki, keçən illə müqayisədə müvafiq olaraq 2 dəfə və 30% çoxdur.
2007-ci ilin yanvar ayında Azərbaycanda qaz hasilatı həcmi 671,7 mln. kub metr təşkil edib. Bu, 2006-cı ilin analoji dövrü ilə müqayisədə 26,1% çoxdur.
2007-ci ilin yanvar ayında Azərbaycanda 2 mlrd. 245,7 mln. kVt/s eletrik enerjisi istehsal edilib. Bu həcm keçən ilki göstəricidən 3,3% azdır. Bu həcmin 8,2%-i hidroelektrik stansiyaların, 91,8%-i istilik elektrik stansiyalarının payına düşüb. Elekrik enerjisi istehsalında azalma Kür çayında suyun səviyyəsinin azalması və elektrik stansiyalarında aparılan plan təmir işləri ilə əlaqədardır.
Bu ilin yanvar ayı ərzində istilik enerjisi istehsalı 485 tıs. Qkal. Təşkil edib. Bu, keçən ilin analoji dövrü ilə müqayisədə 7,8% azdır.
