Azərbaycan,Bakı/müxbir Trend İ.Xəlilova/Bakı-Tiflis-Ceyhan boru kəməri vasitəsilə Qazaxıstan neftinin nəql olunması layihəsi üzrə təhvil alan tərəfin müqaviləsinin hazırlanmasına başlanıb.
ADNŞ-dən verilən məlumata əsasən, bu sənədlər paketində BTC vasitəsilə nəqli nəzərdə tutulan neft həcmi və Gürcüstan limanlarına dəmir yolu vasitəsilə nəql olunacaq xammalın həcmi müəyyənləşdiriləcək.
ADNŞ Gürcüstanda Qara dənizdəki Kulevidə müasir böyük terminala malikdir. Qazaxıstan Batumi neft terminalında iş payına malikdir. Tərəflər Qazaxıstan neftinin ötürülməsi prosesində birgə iş məsələsini həll edəcək.
"Kulevi terminalının tikintisi üçün xərclər işin ilkin qiymətləndirilməsindən 30-40 faiz çoxdur", deyə ADNŞ-dən bildirilib.
Terminalın işə salınması iyunda nəzərdə tutulub və hazırda terminala dəmir yollarının tikintisi başa çatdırılır. Terminalın ötürücülük qabiliyyəti birinci mərhələdə 10 mln. ton təşkil edəcək.
Qazaxıstandakı "Tengiz" yatağından neft dəmir yolu vasitəsilə Gürcüstan limanlarına artıq 2008-ci ildə göndəriləcək. KTK-nın genişləndirilməsi məsələsinin hələ təxirə salınması ilə əlaqədar "Tengiz"dən dəmir yolu vasitəsilə neft çatdırılmaları həcmi artırılacaq.
