Azərbaycan,Bakı/müxbir Trend /Bu ilin yanvar-martında "Şahdəniz" qaz-kondensat yatağından 172,25 mln. kub metr qaz (proqnozdan 23 faiz çox) əldə olunub. Bu barədə Azərbaycan Dövlət Neft Şirkətindən məlumat verilib. Hasil olunmuş qazın bütün həcmi Azərbaycana verilib. Martda yataqda 115,34 mln. kub metr qaz hasil olunub.
Birinci quyuda qazın hasilatı dekabrın 15-də başlanıb. Hər sutka birinci quyudan 5,6 mln. kub metr qaz və 2,5 min ton qaz kondensatı hasil olunub. Lakin daha sonra qaz sızması ilə bağlı olan texniki səbəblərə görə quyunun işi dayandırılıb. Fevralda BP "Şahdəniz" yatağında ikinci quyunu istismara verib. Hazırda yataqda quyunun sutkalıq debiti 6 milyon kub metr qaz və 2 min ton kondensata çatır.
"Şahdəniz"in işlənməsi üzrə layihənin "Mərhələ-1" çərçivəsində plato mərhələsində ildə 8,6 mlrd. kub metr qaz hasil olunacaq. 2007-ci ildə "Şahdəniz"dən 2,8 mlrd kub metr qaz hasil olunacaq.