Azərbaycan, Bakı/müxbir Trend S. Əliyev/ İslam İnkişaf Bankının maliyyə vəsaiti hesabına bərpa olunacaq Mingəçevir İES-in bərpası zamanı bir sıra hidrotexniki qurğular dəyişdiriləcək, yarımstansiyanın təmiri, elektrik stansiyasının idarəetmə mərkəzinin köçürülməsi və hazırda fəaliyyəti dayandırılan enerji bloklarından birinin təmiri ilə bağlı iş aparılacaq. "Bankın vəsaiti hesabına həmçinin təchizatının tamamilə dəyişdirilməsi nəzərdə tutulan "Varvara" İES-in də bərpası həyata keçiriləcək" - deyə "Azərenerji" SC-nin vitse prezidenti Marlen Əsgərov bildirib.
Yaxın gələcəkdə İslam İnkişaf Bankının bu iki elektrik stansiyasının bərpası məqsədilə Azərbaycana 100 mln. dollar həcmində kredit ayıracağı gözlənilir.
