Azərbaycan, Bakı / Trend /Azərbaycan Dövlət Neft Şirkəti (ADNŞ) mazut ixracını bərpa edib. Mazut ixracı bu yanacaq növünün elektrik enerjisinin alınması üçün istifadə olunması səbəbindən dayandırılmışdı. Mayda 61,563 min ton mazut ixrac olunub. Bu barədə bazar ertəsi ADNŞ-dən məlumat verilib.
ADNŞ-nin Marketinq və İqtisadi Əməliyyatlar İdarəsi tərəfindən 2007-ci ilin yanvar-mayında Azərbaycanın neft emalı zavodlarından 978 min 609 ton neft məhsulu ixrac olunub. Mayda apreldəki 207 min tona qarşı 283,4 min ton neft məhsulları ixrac olunub.
2007-ci ilin mayında ixracın ümumi həcmindən ən çox dizel yanacağanın payına düşüb - 108,048 min ton. Mayda həmçinin 65 min ton avtomobil benzini, 40,9 min ton aviasiya nefti, 3,19 min ton sürtkü yağı və 4,642 min ton bitum ixrac olunub.
Azərbaycan Dövlət Neft Şirkətinin neft məhsullarının ixrac cədvəli:
| Neft məhsulu | May- 2007 /min ton | Yanvar-may -2007/min ton |
| Dizel yanacağı | 108,048 | 570,797 |
| Mazut | 61,563 | 61,563 |
| Avtomobil benzini | 65 | 141,627 |
| Aviasiya benzini | 40,9 | 176,589 |
| Nafta | ||
| Sürtkü yağları | 3,19 | 12,044 |
| Bitum | 4,642 | 15,989 |