Azərbaycan, Bakı/müxbir Trend Ü.İsmayılova/İyunda Azərbaycan Dövlət Neft Şirkəti (ADNŞ) Bakının neft emalı zavodlarında istehsal olunmuş 150 min ton mazutu ixrac etməyi planlaşdırır. Bu barədə çərşənbə axşamı ADNŞ prezidenti Rövnəq Abdullayev məlumat verib.
ADNŞ elektrik enerjisinin alınması üçün yanacaq kimi istifadə olunduğuna görə dayandırılmış mazut ixracını mayda bərpa edib. Mayda 61,563 min ton ixrac olunub. ADNŞ yanvardan aprelə (aprel daxil olmaq şərtilə) qədər mazut ixrac etməyib.