Azərbaycan, Bakı /müx. Trend S.Əliev/Cross Caspian Oil Gas Logistics şirkətirnin direktorlar şürasının üzvü Tahir Qəzəlin məlumatına görə, ilin sonuna qədər Azərbaycanda "Qaradağ" neft terminalının birinci hissəsi istismara veriləcək.
Onun sözlərinə görə, əvvəlcə terminalda dəmir yolu ilə daşınacaq 50 min ton neft emal olunacaq. 2008-ci ildə terminalın genişləndirilməsi ilə əlaqədəar olaraq onun gücü 10 mln. ton təşkil edəcək. Gələcəkdə terminal daha da genişləndiriləcək" - deyə o bildirib. Onun sözlərinə görə, terminal Azərbaycanın sahilyanı ərazilərində mövcud olan digər obyektlərdən fərqlənəcək. Onun əsas fərqi xam neftin çox az növünü, lakin digər terminallardan fərqli olaraq daha çox həcmdə qəbul etməkdir. "Bu, Qazaxıstan və Türkmənistandan nəql olunan böyük həcmdə neft üçün nəzərdə tutulub" -deyə o bildirib. Hazırda Qazaxıstanda çalışan "TengizŞevroil", "Kaşaqan" layihəsinin iştirakçı şirkətləri və Türkmənistan yataqlarında çalışan "Petronans" şirkəti ilə danışıqlar aparılır. "Nexand" Amerika şirkəti terminalın tikintisi ilə bağlı layihənin genişləndirilmiş biznes-planının hazırlıq prosesini başa çatdırıb. İlk mərhələdə terminalın həcmi 200 min kubmetr təşkil edəcək, lakin sonradan terminalın həcmi 600 kubmetrə qədər artırıla bilər. Dəmiryol xətti yükdaşıma gücü 25 mln. ton, boşaldıb yükləmə gücü 50 mln. ton təşkil edəcək. Terminalın BTC boru kəməri ilə əlaqəsi olacaq və bu kəmərə il ərzində 30 mln. tona qədər neft nəql edə bilər. O, BP-nin "Səngəçal" terminalından dörd kilometr məsafədə yerləşəcək. Qəzəlin sözlərinə görə, layihənin reallaşma dəyəri $95 mln. dəyərində qiymətləndərilir. Onun maliyyələşdirilməsində "Azərbaycan Sərmayə Şirkəti" iştirak edəcək. Beynəlxalq maliyyə təşkilatları və qismən də "İslam İnkişaf Bankı" bu işə maraq göstərirlər. Terminal çıxış üzgəci və 60 min tonluq tankerləri qəbul etmək imkanına malik olacaq. Hazırda Azərbaycanın Xəzər dənizi sahilində aşağıdakı terminallar mövcuddur:
"Bakı" terminalı (saxlama həcmi 100 min kubmetr, dəmir yolu ilə yükdaşıma gücü il ərzində 5 mln. ton, boşaldıb yükləmə gücü il ərzində 5mln. ton)
"Səngəçal" terminalı (saxlama həcmi 320 min kubmetr, dəmir yolu ilə daşıma gücü il ərzində 8, 5 mln. ton, boşaldıb yükləmə gücü il ərzində 6 mln. ton, BTC ilə əlaqəyə malikdir və il ərzində bu kəmərə 9 mln. ton neft nəql edir)
"Dübəndi" terminalı (saxlama həcmi 340 min kubmetr, dəmir yolu ilə daşıma gücü il ərzində 10 mln. ton, boşaldıb yükləmə gücü il ərzində 10 mln. tondur).
