Azərbaycan, Bakı /müx. Trend K.Arınova/ Hazırda Bakı-Tbilisi-Ceyhan boru kəmərinin sutkada ötürücülük qabiliyyətinin 1,2 mln. barelədək artırılması proqramı yekunlaşmaq üzrədir. Bu barədə Qazaxıstanda ARDNŞ prezidenti Rövnəq Abdullayev məlumat verib. Abdullayev bu ölkəyə prezident İlham Əliyevin rəsmi səfəri çərçivəsində yollanıb. ARDNŞ prezidentinin sözlərinə görə, ötürücülük qabiliyyətinin sutkada 1,8 mln. barelə çatdırılması proqramı mövcuddur.
Əvvəllər Bakı - Tbilisi - Ceyhan boru kəmərinin operatoru olan "BP Azerbaijan" xəttin ötürücülük qabiliyyətinin sutkada 1 mln. bareldən 1,2 mln. barelədək artırılması imkanlarını kimyəvi komponentlər hesabına yoxlayıb.
