Azərbaycan, Bakı /müx. Trend S.Əliyev/ Layihənin texniki operatoru olan BP Azərbaycan şirkətindən verilən mlumata görə, "Şahdəniz" qaz-kondensant yatağında SDX-4 quyusunun yan gövdəsinin qazma işləri başa çatdrılıb. Quyunun dərinliyi 6650 metr təşkil edir. Hazırda quyu barədə əldə olunmuş məlumatların araşdırılması aparılır.
Əvvəllər "Caspian Drilling Company" BM (ARDNŞ 55%, "Transocean" Inc. - 45%) SDX-04 quyusunda ikinci yan gövdəsinin qazma işlərinə başlayıb. Birinci yan gövdəsinin qazma işləri geologiyanın öyrənilməsi üzrə qazma tapşırıqlarını doğrultmayıb. Qazma "İstiqlal" qurğusunda həyata keçirilir.
Quyunun dərinliyi 7350 metrdir. Yan gövdənin qazıntısı 4050- 4100 metr dərinliyində həyata keçirilir. Onun uzunluğu 2700 metr təşkil edəcək. Mütəxəssislərin hesablamalarına görə, yan gövdənin kəsimi yeni quyunun qazılmasına ehtiyac olmadan yataqdan əlavə məlumatların əldə edilməsinə imkan verəcək.
"Şahdəniz" layihəsində hasilatın iştirakçı payına dair müqavilənin iştirakçıları "BP" (operator-25,5%), "Statoil" (25,5%), Azərbaycan Respublikasının Dövlət Neft Şirkəti (ARDNŞ 10%), "LUKAgip" (10% ), "NİCO" (10%), "Total"(l0%), və "TRAO" (9%) şirkətləridir.