Azərbaycan, Bakı/ Trend / Azərbaycan Dövlət Gömrük Komitəsinin məlumatına əsasən, 2007-ci ilin yanvar-iyul aylarında Azərbaycan Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi 3,13 mln. ton neft ixrac edib.
ARDNŞ həm öz yataqlarında, həmçinin "Azəri-Çıraq-Günəşli" layihəsi çərçivəsində neft hasil edir. Xam neft Bakı-Novorossiysk və Bakı-Tbilisi-Ceyhan boru kəmərləri ilə ixrac olunur.
Yanvar-iyul aylarında Azərbaycan Dövlət Neft Şirkətinin Marketinq və İqtisadi Əməliyyatlar İdarəsi 1,52 mln. ton həcmində neft məhsulu ixrac edib. İxracda "Az Trans Reil"in payı - 24,8 min ton, "Caspian Petrol"un payı - 13,6 min ton və "Petrosilex" şirkətinin payı 10,1 min ton olub.
ARDNŞ-in neft məhsulları Bakıdakı iki NEZ-də istehsal olunur.