Bakı. Trend:
Azərbaycanın aparıcı korporativ maliyyə institutu olan “PAŞA
Bank”ın fəaliyyəti beynəlxalq ekspertlər icması tərəfindən növbəti
dəfə yüksək qiymətləndirilib.
Belə ki, “Standard & Poor's” Beynəlxalq Reytinq Agentliyi Bankın
kredit reytinqini açıqlayıb. Qiymətləndirməyə əsasən “PAŞA Bank”ın
uzunmüddətli kredit reytinqi "B+", qısamüddətli reytinqi isə “b+”
səviyyəsində təsdiq olunub. Reytinq üzrə proqnoz isə “sabit” olaraq
saxlanılıb.
“PAŞA Bank”ın güclü biznes mövqeyi, böyük likvidlik ehtiyatları və yüksək gəlirliliyi “Standard & Poor's” Beynəlxalq Reytinq Agentliyi tərəfindən yüksək reytinq və sabit proqnozla qiymətləndirilmənin əsas təminatçısı olub.
Qeyd edək ki, bu reytinq Azərbaycan bankları arasında ən yüksək reytinqlərdən biridir.