Azərbaycan, Bakı / Trend , müxbir S.Babayeva / Azərbaycanın Cəlilabad rayonunda rabitənin yenidənqurulması üzrə tenderin qalibi sloven İskratel şirkəti elan edilib. Rabitə və İnformasiya Texnologiyaları nazirliyindən verilən xəbərə görə, avqustda elan edilmiş tender Cəlilabad ATS -nin tam rekonstruksiyasını nəzərdə tutur. Daha əvvəl İskratel - in baş direktoru Andrey Poleneç Azərbaycanın informasiya - komunikasiya texnologiyaları bazarının İskratel şirkəti üçün maraqlı olduğunu bildirib. İskratel iki ildir ki, Azərbaycan bazarındadır. Bu dövr ərzində əməkdaşlıq klassik texnologiyalar bazasında, ölkənin rekonstruksiya olunmuş telefon stansiyaları üçün şirkətin avadanlıqlarının alınması yolu ilə aparılıb. İskratel, Şamaxının kəndləri və Məkəzində NGN şəbəkəsinin yaradılmasının da daxil olduğu, "Elekron Şamaxı" layihəsinin icraçısıdır.