Azərbayacn, Bakı, 04 avqust/ Trend , müxbir S.Babayeva/ Azərbaycanda Rabitə və İnformasiya Texnologiyaları Nazirliyi və Standatlaşdırma, Metrologiya və Patent üzrə Dövlət Agentliyinin birgə sənədi əsasında, informasiya-kommunikasiya texnologiyalarının standartlaşdırılması üzrə texniki komitə yaradılıb.
Rabitə Nazirliyindən verilən məlumata görə, komitənin əsas məqsədi - informasiya-kommunikasiya texnologiyaları sahəsində beynəlxalq və regional standartlara uyğun milli standartların yaradılması, tənzimləyici normativ sənədlərin işlənməsi, onlardan istifadənin effektivliyinin artırılmasıdır.
Texniki komitənin təsisçi idarəsi qismində, Rabitə Nazirliyinin İnformasiya-Hesablama Mərkəzi (İHM) müəyyənləşib. Komitənin sədri rabitə və informasiya texnologiyaları nazirinin müavini Elmir Vəlizadə, sədrin müavini İHM-in direktoru Nail Mərdanov və Dövlət Stanadrtlaşdırma İdarəsinin şöbə müdiri Məzahir Səmədzadə təyin edilib.
Rabitə Nazirliyindən bildiriblər ki, komitənin tərkibinə daxil olacaq təşkilatların siyahısı artıq hazırlanıb.