...

Azərbaycan informasiya texnologiyaları sahəsində Estoniyanın təcrübəsini öyrənir

Telekommunikasiya Materials 3 Sentyabr 2008 19:41 (UTC +04:00)

Azərbaycan, Bakı, 03 sentyabr/ Trend Cap , müxbir S.Babayeva/ Bir sıra nazirliklər və idarələrin nümayəndələrindən ibarət Azərbaycan nümayəndə heyəti cümə axşamı Estoniyanın informasiya texnologiyaları sahəsində təcrübəsini öyrənmək üçün bu ölkəyə yola düşəcək. Rabitə və İnformasiya Texnologiyaları Nazirliyindən çərşənbə günü verilən məlumata görə, idarənin İnformasiya Cəmiyyətinin İnkişafı şöbəsinin rəhbəri Rüfət Gülməmmədov da nümayəndə heyətinin tərkibinə daxildir.

" "Elektron Hökumət" layihələrinin həyata keçirilməsi və elektron imzanın tətbiqinə dair Estoniya hökumətinin təcrübəsinin öyrənilməsi səfərin prioritet istiqamətləri olacaq", - Rabitə Nazirliyindən bildiriblər.

Azərbaycanın nümayəndə heyəti innovasiya biznes-şəhərciyinə baş çəkəcək. Burada iki yüz min kvadrat metrdən çox ofis, həmçinin, yüksək texnoloji zavodlar üçün istehsalat meydançaları var. Nümayəndə heyəti Kiberhücumlardan Müdafiə Mərkəzində də olacaq.

Azərbaycanın nümayəndə heyətinin səfəri sentyabrın 7- də başa çatacaq.

Xəbər lenti

Xəbər lenti