Azərbaycan, Bakı, 17 noyabr/ Trend , müxbir S.Babayeva/ Azərbaycan BMT-nin Asiya və Sakit okean ölkələri üzrə İqtisadi və Sosial Komissiyasının informasiya və kommunikasiya texnologiyaları komitəsinin (UNESCAP) ilk iclasında iştirak edəcək. İclas noyabrın 20-21-də Tailandda keçiriləcək.
"Banqkokda keçiriləcək görüşdə Azərbaycanın Rabitə və İnformasiya Texnologiyaları Nazirliyini (RİTN) informasiya cəmiyyətinin inkişafı şöbəsinin rəhbəri Rüfət Gülməmmədov təmsil edəcək", - deyə bazar ertəsi Dövlət İdarəsindən bildiriblər.
Görüşlərdə RİTN təmsilçisi Asiya və Sakit okeanı regionunda informasiya texnologiyalarının tətbiqi və inkişafı üzrə müzakirələrdə iştirak edəcək, birgə layihələrin reallaşdırılmasının mümkünlüyünü müzakirə edəcək.
UNESCAP - Asiya və Sakit okean regionu üçün BMT-nin inkişaf qoludur. Bu komissiyaya 62 hökumətin üzvləri daxildir. BMT-nin beş regional komissiyasından ən çoxtərəfli olanı UNESCAP-dır. 1947- ci ildə təsis edilən və baş qərərgahı Banqkokda yerləşən komitə üç əsas tematik istiqamət üzrə fəaliyyət göstərir; yoxsulluğun azaldılması, qloballaşma və sosial problemlərin həlli.
Məqalə müəllifi ilə əlaqə ünvanı - [email protected]
