Azərbaycan, Bakı, 18 noyabr/ Trend /Azərbaycanın mobil rabitə operatoru Azercell Telekom MMC Belçikanın Belgium Mobile mobil rabitə şirkəti ilə Beynəlxalq MMS xidmətini istifadəyə verib, - Azercell-in məlumatında bildirilir.
İndiyədək Azercell Telekom 38 mobil şəbəkə operatoru ilə 34 ölkədə MMS xidmətinə, 68 ölkənin 158 operatoru ilə GPRS/MMS xidmətinə qoşulub.
Beynəlxalq MMS rouminq xidməti GPRS/MMS rouminq xidmətindən imkanlarına görə fərqlənir. Belə ki, indiyə kimi istifadədə olan GPRS/MMS rouminq xidməti vasitəsilə xarici ölkədə olan abonentin yalnız digər "Azercell" abonentləri ilə MMS mübadiləsi aparmaq və GPRS - dən istifadə etmək imkanı olurdu. Adıçəkilən xidmət "Azercell" abonentlərinə yalnız şəbəkə daxilində deyil, həm də müqavilə imzaladığı operatorun abonentləri ilə MMS mübadiləsi aparmağa imkan verir.
Azercell Telecom ölkədə ən böyük mobil rabitə operatorudur və 3,5 mln. abunəçisi var.