Azərbaycan, Bakı, 12 yanvar/ Trend , müxbir İ.Xəlilova/ Qlobal maliyyə böhranı Azərbaycanın mobil rabitə operatoru Bakcell-in fəaliyyətinə təsir göstərməyib. Bu, şirkətin daxili mənbələrində sərmayələrin Azərbaycanda xidmətin yaxşılaşdırılması və əhatə dairəsinin genişləndirilməsinə yatırılması ilə bağlı olaraq baş verməyib. Bu barədə şirkətdən bildiriblər.
"Bu gün maliyyə böhranının Azərbaycana cüzi dərəcədə təsir göstərməsi səbəbindən biz şirkətin fəaliyyətinin inkişafına sərmayə yatırımlarını davam etdiririk", - deyə Bakcell-dən bildiriblər.
Dünya maliyyə böhranının təsiri altında beynəlxalq maliyyə bazarlarından borc həcmləri məhdudlaşdırılıb, müvafiq olaraq Azərbaycan bankları da 2008-ci ilin avqustundan başlayaraq, kreditləşmənin həcmini azaldıblar.
Şirkətdən bildiriblər ki, biznesin inkişafı ilə yanaşı mobil operatorun heyətini də genişləndirmək lazım gəlir və bu gün yeni kadrların yığımı həyata keçirilir.
Bu gün Bakcell-in fəaliyyət sahəsi Azərbaycanın 80 faizdən çox ərazisini əhatə edir. Lakin şirkətdən ölkənin kommunikasiya sektoruna sərmayə yatırımları barədə məlumat verməkdən hələ ki, imtina ediblər.
Bakcell ölkədə ilk mobil rabitə operatoru olmaqla 1994-cü ilin martında GTIB və Azərbaycanın Rabitə və İnformasiya Texnologiyaları Nazirliyinin birgə müəssisəsi kimi təsis edilib.
Bakcell şirkəti 1998-ci ilin dekabrında qabaqcıl GSM telekommunikasiya texnologiyasını tətbiq edib. 2003-cü ilin dekabrında şirkətin özəlləşdirilməsi prosesi uğurla həyata keçirilib. Nətisədə, 2004-sü ilin yanvarından başlayaraq Bakcell məhdud məsuliyyətli cəmiyyət kimi təkilati-hüquqi formada 100 faizlik özəl kapitala malik şirkət kimi fəaliyyət göstərir.
Bu gün Azərbaycanda üç GSM operatoru - Azercell Telecom, Bakcell, Azerfon fəaliyyət göstərir.
Məqalə müəllifi ilə əlaqə ünvanı - [email protected]