Azərbaycan, Bakı, 07 aprel / Trend , müxbir S.Babayeva /
Azərbaycanın mobil rabitə operatoru Azercell Telecom 7 və 9 aprel tarixlərində saat 23:00-dan etibarən gecə və səhər vaxtlarında bəzi xidmətlərin göstərilməsində yarana biləcək problemlər barədə abunəçilərinə xəbərdarlıq edir. Bu barədə şirkətin məlumatında bildirilir. Bu, operator şəbəkəsinin təkmilləşdirilməsi üzrə işlərin aparılması ilə əlaqədardır.
Şirkət vaxtaşırı rabitə keyfiyyətinin yaxşılaşdırılması məqsədilə analoji tədbirlər həyata keçirir.
Bu gün Azercell Telecom abunəçilərinin sayı 3,5 mln. nəfərdən çoxdur, belə ki, bu göstərici şirkətin 1997-ci ildə fəaliyyətə başladığı zaman cəmi 10 min təşkil edirdi.
Şirkətin Azərbaycanın mobil telekommunikasiyalar bazarında payı 60 faizdən çoxdur.
Məqalə müəllifi ilə əlaqə ünvanı: [email protected]
