Türkmənistan, Aşqabad, 29 aprel / Trend , müxbir Q.Həsənov /
Türkmənistan Prezidenti Qurbanqulı Berdiməhəmmədov qeyd edib ki, qabaqcıl texnologiyaların tətbiqi və ən yaxşı dünya təcrübəsinin mənimsənilməsi sayəsində Türkmənistanın artan sosial-iqtisadi inkişafını nəzərə alaraq, Rusiyanın "Sistem" Səhmdar Maliyyə Korporasiyası (SMK) ilə qaprşılıqlı fəaliyyət olduqca faydalı və məhsuldar olacaq. Bu barədə Türkmənistan KİV-i xəbər yayıb.
TV-nin qeydinə görə, bu günlərdə Türkmənistan rəhbəri Korporasiya rəhbəri Leonid Melamed ilə görüşüb. Korporasiya rəhbəri türkmən tərəfdaşlar ilə çoxtərəfli əməkdaşlığın inkişaf etdirilməsində olduqca maraqlı olduqlarını bildirib.
Berdiməhəmmədov rabitə və teoekommunikasiya sahəsinin rolunun mühüm olduğunu bildirib və türkmən bazarında uğurla fəaliyyət göstərən Rusiya holdinqinin işini yüksək qiymətləndirib.
Rusiya və MDB-də iri açıq şaxələndirilmiş və xidmət təmayüllü olan şirkət Türkmənistanda iri mobil rabitə operatoru olan MTS-in əsas səhmdarıdır.
Melamed Aşqabadda bir sıra birgə layihələrin inkişafından danışıb və Türkmənistanda ən müasir rabitə növlərinə və qabaqcıl informasiya texnologiyalarına tələbatı nəzərə alaraq tərəfdaşlığın inkiaşfının dinamik mahiyyət aldığını qeyd edib. Korporasiya Türkmənistanda informasiya texnologiyaları, məişət elekronikası istehsalı, mühəndis tikililərinin, həmçinin ticarət mərkəzləri, otellər, poliklinika, məktəb və yaşayış evlərnin inşası sahələrinə maraq göstərir.
Berdiməhəmmədov əvvəllər korporasiyanın Xəzər dənizi şelfində zəngin karbohidrogen ehtiyatlarının işlənməsində iştirak etmək istədiyini bildirimişdi.
Məqalə müəllifi ilə əlaqə ünvanı: [email protected]
