Azərbaycan, Bakı, 29 iyun / Trend , müxbir Q.Vəliyev /
Mobil rabitənin inkişaf tendensiyası gələcəkdə səssiz xidmətlər istiqamətində hərəkət edəcək. Nokia Corp-un Qazaxıstandakı nümayəndəliyi "Cənubi MDB ölkələri" marketinq departamentinin rəhbəri Ruslan Beisov bəyan edib.
Onun sözlərinə görə, Azərbaycanda abunəçilərin 25 faizi qeyri-ənənəvi rabitə xidmətindən (internet, məlumatların ötürülməsi, video, elektron poçt) istifadə etməkdə maraqlıdır. Mövcud xidmətlərdən tam istifadə 3G texnologiyasının olmadığı halda qeyri-mümkündür.
"Hazırda Azərbaycan bazarında Nokia telefonlarının 20 faizi bu standart rabitəni dəstəkləyir. Güman edirəm ki, Azərbaycanda 3 nəsil rabitə texnologiyasının yaranması məntiqli olradı, çünki bazar kifayət qədər inkişaf edib", - Trend -a bu gün Bakıda olan Beisov bildirib.
O qeyd edib ki, hazırda Azərbaycanın mobil rabitə bazarı keçmiş Sovet məkanında dinamik inkişaf edən bazarlardan biridir və Azərbaycanda mobil rabitənin əhatə dairəsinin 90 faizə çatmasına baxmayaraq, bazar gələcəkdə də inkişaf edəcək.
Məqalə müəllifi ilə əlaqə ünvanı: [email protected]
