Azərbaycan, Bakı, 06 avqust / Trend , müxbir H.Vəliyev /
"Azərbaycan Dəmir Yolları" QSC Bakı-Astara və Bakı-Horadiz istiqamətindəki qatarlar üçün biletlərin Online satış sisteminin tətbiqi üzrə işlərə başlamağı planlaşdırır. Bu barədə QSC-nin mətbuat xidmətindən bildirilib.
Hazırda Bakı-Böyük Kəsik-Gürcüstan istiqamətində biletlərin satılması üçün kompüter şəbəkəsinə qoşulma üzrə işlər həyata keçirilir.
Biletlərin təqdim edilməsi üzrə yeni texnologiya sərnişinlərin ADY-nin xidmətlərindən kütləvi şəkildə yararlanmasının təmin edilməsini nəzərdə tutur. Artıq hazırda realizasiyaya Mərdəkanda, Lökbatanda, Biləcəridə, Sumqayıtda, Xaçmazda, Xudatda, Dəvəçidə və Gəncədə olan satış məntəqələri qoşulub.
Satış məntəqələrində biletlərin satıldığı terminallar quraşdırılır. Terminal vasitəsilə kassir real vaxt rejimində sərnişin üçün səfər variantlarının toplanmasını həyata keçirir və dəmiryol sənədlərinin sifariş blankını tərtib edir.
Müəssisənin gələcək planlarına lokal şəbəkənin Rusiya şəbəkəsinə qoşulması aiddir ki, bu da sərnişinlərə Rusiyadaxili dəmiryol nəqliyyatı üzə biletlərin əldə olunmasına imkan yaradacaq.
Eyni zamanda QSC-nin internet resursları vasitəsilə biletlərin Online qabaqcadan ayrılması imkanı da nəzərdən keçirilir.
Məqalə müəllifi ilə əlaqə ünvanı: [email protected]
