Azərbaycan, Bakı, 17 avqust / Trend , müxbir H.Vəliyev /
"Azərpoçt" MMC (dövlət poçt operatoru) müəssisənin fəaliyyətində elektron ticarət sisteminin tətbiqi imkanlarını nəzərdən keçirir. Bu barədə Trend -a bazar ertəsi Rabitə və İnformasiya Texnologiyaları Nazirliyindən (RİTN) bildirilib.
RİTN-dən bildirildiyi kimi, müəssisə elektron ticarət sisteminin ticarət-alış fəaliyyətinin təşkilinin daha səmərəli aləti olduğu Cənubi Koreyanın təcrübəsindən istifadə edilməsi imkanını nəzərdən keçirir.
Dövlət müəssisəsində ticarət-alış fəaliyyətinin avtomatlaşdırılmış sisteminin tətbiqi alış prosedurlarını maksimal dərəcədə açıq və ictimai nəzarət üçün əlverişli şəkildə formalaşdırmağa imkan verir, sifarişləri yerləşdirən iştirakçıların sayının artırılmasına, korrupsiya səbəblərini aradan qaldırmağa kömək edir.
Respublikanın distansiya ticarət bazarının başlanğıc mərhələsində olmasına baxmayaraq, bazar iştirakçılarının əksəriyyəti yaxın zamanda bu sahənin distansiyon ticarətin adət halını aldığı bir çox Avropa ölkələri ilə ciddi rəqabət aparmaq qabilliyətinə malik olan və inkişaf edən seqment olacağına əmindir.
Elektron ticarət sisteminin tətbiqi imkanı Koreyanın İT sənayesinin inkişafı üzrə agentliyinin nümayəndələrinin Bakıya səfərindən sonra daha aktual olub. Səfər zamanı "Azərpoçt" dövlət müəssisəsinin müasirləşdirilməsinə yönələn texniki-iqtisadi əsaslandırma nəzərdən keçirilib. Yaxın zamanlarda RİTN baxılması üçün hökumətə yekun təkliflər təqdim edəcək.
Məqalə müəllifi ilə əlaqə ünvanı: [email protected]
