Azərbaycan, Bakı, 28 avqust / Trend , müxbir H.Vəliyev/
İlin ikinci yarısında Azərbaycanın İT (informasiya texnologiyaları) bazarının yüksəlməsi gözlənilir. Bu barədə Trend -a İnformasiya Problemləri üzrə Tədqiqat Mərkəzinin rəhbəri Yaşar Hacıyev məlumat verib.
Dünya iqtisadiyyatının qeyri-sabitliyi yalnız dünya bazarına deyil, həmçinin Azərbaycanın informasiya texnologiyaları bazarına da toxunub. Hacıyevin fikrincə, Azərbaycanın İT bazarı 20 faizədək azalıb. Dünyada satış üzrə İT bazarının ümumi enməsi 24 faiz təşkil edib. Azərbaycan İT bazarı Avropa ölkələrindən bir çox göstəricilərə görə uzaqdır.
"İlin əvvəlindən qeydə alınan dərin böhran dövrü, eləcə də həmişə praktiki olaraq alıcılıq fəallığına neqativ təsir göstərən yay mövsümü artıq keçir. Artıq sentyabrdan bazar bərpa olunacaq. Söhbət artımın yüksək tempindən yox, 2008-ci ilin sonunda olan tempi qorumaqdan gedir", - Hacıyev deyib.
Ekspertin fikrincə, Azərbaycanın telekommunikasiya bazarında kataklizm dəhşətli deyil. Hazırda bir sıra iri layihələr mövcuddur. Telekommunikasiya şirkətləri, dövlət müəssisələri və maliyyə təsisatları kimi iri istehlakçılar olub və olacaq. Bu gün mobil rabitə operatorları üçüncü nəsil şəbəkəsini yaradırlar, stasionar rabitə operatorları köhnələrini bərpa edirlər və yeni şifrəli ATS-lər qururlar, genişzolaqlı və simsiz internet-girişlərin yeni standardlarını genişləndirirlər. Bütün bunlar yüksək keyfiyyətli telekommunikasiya avadanlıqlarının mövcudluğunu tələb edir.
Böhran sifarişçilərə qısamüddətli perspektivdə hissolunacaq dərəcədə qənaətli xərclər gətirəcək və ya biznesin genişləndirilməsinə kömək edəcək sahələrə daha az təsir göstərib.
Məqalə müəllifi ilə əlaqə ünvanı: [email protected]
