Azərbaycan, Bakı, 03 sentyabr / Trend , müxbir H.Vəliyev /
ABŞ Dövlət Departamenti Azərbaycan Milli Elmlər Akademiyasının Kibernetika İnstitutu ilə elmi tədqiqatlar sahəsində əməkdaşlığı nəzərdə tutan memorandum imzalamağı planlaşdırır. Bu barədə Trend -a institutun direktoru Telman Əliyev bildirib.
ABŞ Dövlət Departamentinin nümayəndələri ilə görüş iyulda keçirilib. Görüş zamanı institutun mütəxəssisləri proqnozlaşdırmanın monitorinq sisteminin təqdimatını keçirib və bu sistemin hazırda harada tətbiq edilməsi barədə danışıblar.
İnsitutun ABŞ-ın Dövlət Departamenti ilə bu sahədə əməkdaşlığının üstünlüyü elmi tədqiqatların beynəlxalq səviyyəyə çıxarılmasından ibarətdir.
Əliyevin sözlərinə görə, ABŞ Dövlət Departamentinin nümayəndə heyətinin növbəti səfəri oktyabr ayında gözlənilir.
Məqalə müəllifi ilə əlaqə ünvanı: [email protected]
