Azərbaycan, Bakı, 09 oktyabr / Trend , müxbir H.Vəliyev/
AvirTel şirkəti BakuTel - 2009 sərgisi çərçivəsində elektrik şəbəkəsi ilə İnternetə çıxış üzrə yeni texnologiyalar sərgiləyəcək. Bu barədə Trend -a şirkətdən bildirilib.
İndiyədək şirkət tərəfindən müvafiq avadanlıqlar quraşdırılıb və sınaqdan keçirilib. İnternet şəbəkəsinə qoşulmaq üçün xüsusi modemlərin alınması lazım olacaq. Xidmət paytaxt ərazisində istismara veriləcək.
İnterner şəbəkəsinə çıxış tam fuksional olacaq, hazırda mövcud olan məlumatların ötürülməsi üzrə yüksəksürətli şəbəkələrdən heç də geri qalmayacaq. Elektrik şəbəkəsi üzrə İnternetə çıxışın sürəti 150 Mbit/s-ə çata bilər. Sistemin tətbiqi İnternetə çıxış qiymətini əhəmiyyətli dərəcədə azaltmağa imkan verəcək.
Elektrik şəbəkəsi ilə İnternetə çıxışın üstünlüyü bütün kommunikasiya şəbəkəsində telefon xəttinə ehtiyacın olmamasıdır.
AvirTel şirkəti əlavə xidmətlərin (VoIP, IP-TV) həyata keçirilməsi üçün yeni texnologiyalardan istifadə etmək niyyətindədir.
Məqalə müəllifi ilə əlaqə ünvanı: [email protected]