Azərbaycan, Bakı, 12 oktyabr / Trend , müxbir H.Vəliyev/
Cənubi Koreya hökuməti Koreyanın aparıcı elmi-texnologiya institutu (KAIST) ilə birgə xarici dövlət işçiləri və tədqiqatçıları üçün informasiya texnologiyaları üzrə təlim kurslarının keçirilməsi barədə elan edib, bu barədə Rabitə və İnformasiya Texnologiyaları Nazirliyinin məlumatında deyilir.
İdarənin məlumatlarına əsasən, kurs proqramı magistr və fəlsəfə elmləri doktoru dərəcəsi almaq üçün nəzərdə tutulub.
Kurslarda iştirak etmək üçün ərizələr oktyabrın 5-nə kimi qəbul olunur. Kursun təşkilatçıları bütün yaşayış xərclərini öz üzərinə götürür.
Kurslar, lazım olan sənədlərin formaları və s. barədə məlumatlar Rabitə və İnformasiya Texnologiyaları Nazirliyinin "Elanlar" bölməsində yerləşdirilib.