Azərbaycan, Bakı, 16 oktyabr / Trend , müxbir H.Vəliyev/
Azərbaycanda elektron rəqəmsal imzaların (ERİ) tətbiqi layihəsi üzərində aparılan işlər 2009-cu ilin sonunadək başa çatacaq, RTİN-dən cümə günü Trend -a məlumat verilib.
Nazirliyin məlumatına görə, işlər qəbul edilmiş iş planına müvafiq olaraq aparılır. Bu plana müvafiq olaraq, Azərbaycanda rəqəmsal imzaların verilməsi üzrə üç mərkəz fəaliyyət göstərəcək. İki mərkəz dövlət və özəl strukturlara xidməti həyata keçirəcək, biri isə baş mərkəz olacaq.
"Elektron Azərbaycan" dövlət proqramının fundamentinin əsası olan elektron rəqəmsal imzaların yaradılması üzrə işləri Microsoft Azerbaijan, Azerin və Ultra şirkətlərindən ibarət olan konsorsium aparır. Konsorsium 2008-ci ilin sentyabrında elan edilmiş ERİ tətbiqi üçün milli açıq açar infrastrukturunun qurulması üzrə tenderin qalibi olub.
Hazırda lazımi avadanlığın montajı üzrə işlər başa çatmaq üzrədir.
Məqalə müəllifi ilə əlaqə ünvanı: [email protected]
