Azərbaycan, Bakı, 16 noyabr / Trend , müxbir H.Vəliyev/
Azərbaycanın Dövlət Radiotezliklər İdarəsi (DRİ) Qazaxıstanın İnformasiya və Rabitə Agentliyi ilə peyk tezlikləri sisteminin əlaqələndirilməsinə dair müzakirə keçirib. Bu barədə DRİ-nin baş mühəndisi İlham Əfəndiyev Trend -a bildirib.
Əfəndiyevin sözlərinə görə, danışıqların gündəliyinin tərkibinə hər iki tərəfi maraqlandıran məsələlər daxil edilib. Danışıqların əsas məqsədi Azerspace və KazSat-2 peyk şəbəkələrinin əlaqələndirilməsində uğura nail olmaqdır.
Danışıqlar zamanı Azərbaycan və Qazaxıstan peyk şəbəkələrinin mümkün çətinlik dərəcəsinin təyin edilməsinə dair hesabat aparılıb və peyk şəbəkələrinin əlaqələndirilməsinə nail olmaq üçün mümkün yollar təklif edilib.
Sonrakı istifadə edilən orbital pozisiyalar və tezliklərin əlaqələndirməsini təmin etmək saziş bağlayan hər iki tərəfin maraqlarına uyğundur. Hər iki tərəfin maraqlarının səviyyəsi, Əfəndiyevin sözlərinə görə, sonrakı görüşlər zamanı müəyyən ediləcək.
Bu gün International Telecommunication Union (ITU) iştirakçı ölkələrinin razılığına əsasən, orbital tezlik resurslarının bölünməsinin iki prinsipi qəbul edilib - bölüşdürücü və əlaqələndirici. Bölüşdürücü sistem müəyyən olunmuş məhdud həcmdə konkret xidmət resursları paylayır.
Məqalə müəllifi ilə əlaqə ünvanı: [email protected]