Azərbayacan, Bakı, 22 dekabr / Trend , müxbir H. Vəliyev/
Azərbaycan və İranın poçt rabitəsi operatorları ikitərəfli əməkdaşlığa dair məsələlərdə razılığa gəliblər, çərşənbə axşamı Rabitə və İnformasiya Nazirliyinin poçt şöbəsinin müdiri Novruz Məmmədov Trend -a deyib.
Məmmədovun sözlərinə görə, tərəflər beynəlxalq poçt göndərişlərinin, pul köçürmələrinin, Naxçıvan Muxtar Respublikasına İran ərazisindən quru poçt göndərişlərinin həyata keçirilməsi imkanları, poçt markalarının nəşri və başqa sahələrdə ikitərəfli əməkdaşlığa dair məsələləri müzakirə edəcəklər.
Məmmədovun sözlərinə görə, sadalanan sahələrdə əməkdaşlıq Prezident İlham Əliyevin 10 mart tarixində Tehrana olan səfəri çərçivəsində Azərbaycanın Rabitə və İnformasiya Nazirliyi və İranın İnformasiya və Rabitə Nazirliyi arasında imzalanmış memorandum çərçivəsində həyata keçiriləcək.
İmzalanmış sənədə və reallaşdırılan tədbirlərə uyğun olaraq, müntəzəm şəkildə ikitərəfli görüşlərin keçirilməsi planlaşdırılır. İşçi qrupun növbəti görüşünün 2010-cu ilin əvvəlində İranda olacağı gözlənilir.
Məqalə müəllifi ilə əlaqə ünvanı: [email protected]
