Azərbaycan, Bakı, 03 mart / Trend , müxbir H.Vəliyev/
Bu il martın 17-də Bakıda AV Focus informasiya texnologiyaları üzrə ixtisaslaşdırılmış forum keçiriləcək. Bu barədə Panasonic şirkətinin Ukraynadakı nümayəndəliyinin sistem həlləri şöbəsinin eksperti Svetlana Muravey bildirib.
Onun sözlərinə görə, AV Focus forumu Bakıda ilk dəfə keçiriləcək. Peşəkar audio-video avadanlıqları və proqram təminatlarının istehsalçıları həlləri nümayiş etdirəcək, konfrans zalları, tədris sinifləri, dispetçer və situasiya mərkəzləri, bilik evi, reklam-informasiya sistemləri üçün müasir multimedia texnologiyalarının imkanları haqqında aktual informasiya ilə bölüşəcəklər.
Bu il forumda yenilik Hot News seksiyası olacaq. Seksiya yeni audio-video avadanlıqları və onların tətbiqi sahələrindən bəhs edir.
Forum iştirakçıalrı arasında Kramer Electronics, Mitsubishi Electric, Panasonic, Projecta, Projection Design və digər şirkətlər olacaq.
Forum çərçivəsində təşkil ediləcək əyani zonada akustika sistemləri, infraqırmızı səs sistemləri, plazma panelləri, videokublar, proyeksiya avadanlığı, LCD-panellər, kommutasiya avadanlığı, proyeksiya ekranları, interaktiv lövhələr, monitorinqlər/proyektorlar üçün dayaq, idarəetmə sistemi və proqram həlləri təqdim olunacaq.
