Аzərbaycan, Bakı, 12 may /Trend, müxbir H. Vəliyev/
Birinci rübün nəticələrinə görə, telekommunikasiya sahəsində çalışan işçilərin sayı 24 minə çatıb, - Dövlət Statistika Komitəsindən verilən məlumatda belə deyilir.
Ötən mərhələdə rabitə sahəsində çalışan işçilərin orta aylıq əmək haqqı 2,6 faiz artaraq, 491,8 manat təşkil edib.
Birinci rübün nəticələrinə əsasən, poçt və nəqliyyat sahəsi üzrə çalışan əməkdaşların sayı 73,7 min təşkil edib.
Ümumi işçilərin 82,2 faizi dövlət müəssisələrində, 17,8 faizi isə özəl sahələrdə çalışır.
Hal-hazırda 55 faiz işçi yerüstü boru kəmərinin çəkilməsi ilə bağlı, 13 faiz işçi su təchizatı, 13,3 faiz hava nəqliyyatı, 11,8 faiz yardımçı və əlavə nəqliyyat, 6,9 faiz işçi isə poçt rabitəsi üzrə müəssisələrdə işləyir.
Yanvar-mart aylarında aparılan hesablamalara görə, nəqliyyat sahəsində çalışan işçilərin orta aylıq əmək haqqı 353,1 manat təşkil edib. Buna görə də hava nəqliyyatı üzrə 665,3, dəniz nəqliyyatı sahəsində 521, 6, avtomobil nəqliyyatında 347, 4, dəmiryol nəqliyyatı üzrə müəssisələrdə çalışan işçilərin əmək haqqı isə 185,9 manat olub. Ötən mərhələdə isə dəniz nəqliyyatı sahəsində çalışan işçilərin əmək haqqının həcmi 4,5 faiz, hava nəqliyyatı üzrə çalışanların əmək haqqı 12,7 faiz artıb.