Azərbaycan, Bakı, 2 may /Trend, müxbir H.Vəliyev/
Azərbaycanın Rabitə və İnformasiya Texnologiyaları Nazirliyinin Teleradio İstehsalat Birliyi üç rəqəmsal teleötürücünün alınması və quraşdırılması, Bakı-Ələt-Şirvan-Biləsuvar və Cəlilabad-Lənkəran-Lerik intervalında radiorele xətlərinin avadanlıqlarının bərpası, həmçinin beynəlxalq peyk kanallarının təşkili üçün peyk seqmentinin icarəyə verilməsi üzrə tenderin müddətini uzadıb. Bu barədə tender komissiyasının məlumatında deyilir.
Tenderdə iştirak haqqı 1000 manatdır. İştirakçıların sənədləri iyunun 10-u saat 17:00-a qədər qəbul edilir. Tender təklifləri iyunun 21-i saat 17:00-dək qəbul olunur. Tender təkliflərinin açılışı iyunun 22-də Teleradio İstehsalat Birliyinin binasında baş tutacaq.
