Azərbaycan, Bakı, 9 iyul /Trend, müxbir H.Vəliyev/
az milli domenində 10 073 internet-resurs qeydiyyata alınıb. Bu barədə WHOIS resursu xəbər verir.
İkinci rübdə .az milli domenində qeydiyyata alınmış internet-resursların sayında artım 2,7 faiz təşkil edib.
Qeydiyyata alınmış saytların ümumi sayından 9 086 vahid birinci səviyyəli domendə qeydiyyata alınmış internet-resursların payına düşür. İkinci səviyyənin daha populyar domeni .com.az-dır, burada 535 sayt qeydiyyata alınıb. .gov.az dövlət domen zonasında qeydiyyata alınmış internet-resursların sayı isə 61 internet-resurs olmaqla dəyişməz qalıb.
Dünya statistikasına görə, dünyada aktiv domen adlarının ümumi sayı 120 729 089 vahid təşkil edir. Ən çox məskunlaşmış domen zonası .com-dur. Bu gün burada 88 373 960 internet-resurs aktivdir. İkinci yerdə .net domenidir ki, burada 13 180 506 aktiv ad var. Üçüncü yeri .org domeni tutur. Burada 8 553 117 sayt var.
az milli zonası rəsmən 1993-cü il avqustun 25-dən fəaliyyət göstərməyə başlayıb. Postsovet ölkələri məkanında Ukrayna özünün .ua (1992-ci il) domeninə malik yeganə ölkə olub. 1994-cü il aprelin 7-də .ru zonası qeydiyyata alınıb, elə həmin il SSRİ-nin keçmiş respublikalarına məxsus bir çox ünvan zonaları qeydiyyata alınıb.
az domeninin qeydiyyat qiyməti 20 manatdır, domenə texniki dəstək üçün illik dəyər də elə bu qiymətə başa gəlir.
