Bakıda RRƏ ölkələrinin informasiya cəmiyyəti quruculuğu üzrə hazırlıq məsələləri müzakirə olunacaq

Azərbaycan, Bakı, 27 iyul /Trend, müxbir H.Vəliyev/

İnformasiya cəmiyyəti quruculuğu məsələlərinə Bakıda Regional Rabitə Əməkdaşlığı (RRƏ) Administrasiya Başçıları Şurasının noyabrda keçiriləcək 43-cü iclası çərçivəsində baxılacaq. Bu barədə RRƏ-nin məlumatında deyilir.

İlkin olaraq bu məsələnin avqustun 17-də Moskvada RRƏ ekspertlərinin ikinci iclası zamanı müzakirə olunması planlaşdırılır.

İclas iştirakçıları RRƏ iştirakçısı olan ölkələrdə informasiya cəmiyyəti quruculuğu məsələlərini, ölkələrin informasiya cəmiyyəti quruculuğuna hazırlıq səviyyəsini xarakterizə edən göstəricilər sisteminin təkmilləşdirilmə metodlarını və onların formalaşması üzrə metodiki tövsiyələri müzakirə etmək niyyətindədirlər.

Eləcə də iclas zamanı birlik ölkələrində İKT sahəsində inkişafa dair bir sıra aktual məsələlər müzakirə olunacaq.