Azərbaycan, Bakı, 13 avqust /Trend, müxbir H.Vəliyev/
Amerikanın "Emerson Process Management" şirkəti Azərbaycanın neft-qaz sənayesində istehsalat proseslərində naqilsiz həllərin tətbiqini planlaşdırır. Bu barədə Rabitə və İnformasiya Texnologiyaları Nazirliyinin məlumatında deyilir.
Məsələyə Azərbaycanın rabitə və informasiya texnologiyaları naziri Əli Abbasovun "Emerson" şirkətinin Avropa üzrə vitse-prezidenti Bob Şarpi və MDB ölkələri üzrə vitse-prezidenti Yohann Vanderplatsla görüşündə baxılıb.
İdarənin məlumatına görə, şirkət öz naqilsiz sistemlərinin yerləşdirilməsi üçün lazım olan tezlik resurslarını icarəyə götürməyi planlaşdırır.
Şirkət tərəfindən, həmçinin, gəmiçilik və su təchizatı sahələrində kanalizasiya sistemlərində naqilsiz həllərin tətbiqi də nəzərdən keçirilir. Proseslərin monitorinqi üçün naqilsiz şəbəkələrdən istifadə daha effektiv idarəetmə üçün toplanan məlumatların sayını artırmağa imkan verir. Bu gün "Emerson Process Management" şirkəti Azərbaycanda ARDNŞ Dövlət Neft Şirkəti və bp şirkəti ilə əməkdaşlıq edir.
Şirkətin təklif etdiyi "Smart Wireless" naqilsiz həlli müəssisə üzrə informasiyaya giriş əldə etməyə imkan verir. Sifarişçiyə əvvəllər mümkün olmayan və ya qoşulmaq üçün böyük xərc tələb edilən yerlərə yeni ölçmə nöqtələri əlavə etməyə imkan verir.
"Smart Wireless" naqilsiz həlli sonradan naqilsiz şlüz vasitəsilə idarəetmə sistemindən məlumat əldə etməklə ölçmə cihazlarının naqilsiz şəbəkəyə bilavasitə qoşulmasına imkan verir. Hər bir ötürücü öz antennası və uzun müddət öz iş qabiliyyətini saxlamaq üçün avtonom elektrik qidalanma mənbələri ilə təchiz olunur. Texnologiya "Emerson Process Management" şirkətinin bu sahədə təcrübəsi nəzərə alınmaqla, texnoloji proseslərin avtomatlaşdıırlması sahəsində tətbiq edimək üçün xüsusi olaraq işlənilib-hazırlanıb.
"Smart Wireless" naqilsiz həlli 2,4 ghz tezliyi diapazonunda çalışır, bu zaman o, müəssisələrdə quraşdırılan digər naqilsiz şəbəkələrlə etibarlı şəkildə eyni zamanda mövcud ola bilir.
Naqilsiz şəbəkənin cihazları kodlaşdırma, əslinə uyğunlaşdırma, yoxlama metodlarından və sınmadan müdafiə və məlumatların yalnız naqilsiz şlüz vasitəsilə göndərilməsinin təmin edilməsi üçün açarlarla idarəetmə metodlarından istifadə edir.
Bu gün "Emerson Process Management" şirkəti gələcəkdə Azərbaycanda öz fəaliyyətini genişləndirmək niyyətindədir və görüş zamanı şirkət rəhbərliyi Azərbaycanda nümayəndəliyini açmaq barədə planlarından danışıb. Şirkət əmindir ki, iqtisadi inkişafın innovasiyaların tətbiqi və istehsalatın modernləşdirilməsi kimi prioritetləri, "Emerson"un texnologiya və məhsullarına tələbatı artıracaq.
