Azərbaycan, Bakı, 21 avqust /Trend, müxbir Q.Vəliyev/
UPS beynəlxalq təciliçatdırma xidməti Azərbaycanda yüklərin çatdırılmasının izlənməsi üçün yeni UPS "Widget" sistemini təqdim edib. Bu barədə Trend-ə şirkətdən bildiriblər.
Yeni sistem göndərişlərin çatdırılmasının rəsmiləşdirilməsi məsələlərini vaxtaşırı həll etməli olan kiçik və orta biznes əməkdaşları üçün nəzərdə tutulub.
Proqram çatdırılmanın vəziyyəti ilə bağlı avtomatlaşdırılmış bildirişi almağa, müştərilərə çatdırılmanın statusunun dəyişməsi haqqında informasiyanı göndərməyə, eləcə də RSS kanalları vasitəsilə xəbərləri əldə etməyə imakn verir. Sistem həm daxil olan, həm də çıxan göndərişləri "UPS Quantum View Notify" texnologiyası üzrə izləməyə imkan verir. O, göndərişlərin statusunun dəyişməsi haqqında məlumat verir və çatdırılma haqqında bildirişi göstərir.
Proqram kompüterin iş masasında UPS-in xidmətləri və səhmləri haqqında informasiyanı, yığım və yüklərin çatdırılma cədvəlini təsvir edir, UPS-in yeni məhsullarını və funksional imkanlarını nümayiş etdirən çarxları qoyur.
"UPS Widget"ə profilaktik xəbərdarlıqları, çatdırılmanın statusuna tezliklə baxılması üçün rəng kodlaşdırmasını özündə birləşdirir və proqramın xarici görünüşünü şəxsi zövqə uyğun tənzimləməyə imkan verir. Sistemi şirkətin www.ups.com/widget İnternet resursu vasitəsilə köçürmək olar.