Azərbaycan, Bakı, 14 sentyabr /Trend, müxbir Q.Vəliyev/
Rusiyanın İT avadanlıq distribüteri "RRC" şirkəti Azərbaycan bazarında "SecurID" sisteminin irəliləməsinə başlayacaq. Bu barədə şirkətin məlumatında deyilir.
Avadanlığın təchizatı "RRC Security"nin qurulmuş satış kanalına, hissə-hissə telekommunikasiya və şəbəkə avadanlığının distribüterliyinə məsul olan "RRC Networking" divizionunun tərəfdaşlarını təmin edəcək.
Şirkət MDB ölkələrində informasiya təhlükəsizliyinin təmini üçün distribüter məhsulları bazarının beş faizini əhatə etməyə iddialıdır. Şirkət qarşıya qoyulan məqsədlərə təhlükəsizliyin təmini üzrə "EMC Corporation" şirkətinin bölməsi olan "RSA" şirkəti ilə imzalanan saziş sayəsində nail olmaq niyyətindədir.
Sazişin şərtlərinə əsasən, "RRC" MDB-nin bütün ərazisində "SecurID"nin təchizatçısı rəsmi statusunu alıb. "RRC" şirkəti "RSA" brendinin irəliləməsi üçün əsas diqqəti Rusiya, Ukrayna və Qazaxıstan bazarlarına yönəldəcək.
"SecurID" qərarı autentifikasiyanın ikifaktorlu sistemini və artıq bütün dünyada tətbiq edilən birdəfəlik parolu bildirir. Bu sistemin köməyi ilə istifadəçi daimi parol əvəzinə, hər 60 saniyədə dəyişən və yalnız bir dəfə istifadə olunan koddan yararlana bilər.